Ethiopia: ወንጀለኞችን የማደንና ለህግ የማቅረቡ ሂደት ተጠናክሮ ይቀጥላል

Man hugging a woman
ወንጀለኞችን የማደንና ለህግ የማቅረቡ ሂደት ተጠናክሮ እንደሚቀጥል ጠቅላይ ሚኒስትር ዶክተር አብይ አህመድ ገለፁ።

ጠቅላይ ሚኒስቴትሩ በወቅታዊ ጉዳዮች ላይ “ካንሰርን በጋራ እንከላከል” በማለት ባወጣው መግለጫ፥ በአንድ ሀገር ውስጥ የመንግስት መኖርን የግዴታ ከሚያደርጉት መሰረታዊ ምክንያቶች ውስጥ አንዱ ፍትህን ማረጋገጥ መሆኑን ገልፀዋል።

“ኢትዮጵያ ንፁሃን ዜጎች እንጂ ወንጀለኞች በኩራት የሚኖሩባት ሀገር መሆን የለባትም” ያሉት ጠቅላይ ሚኒስትሩ፤መንግስት ለህዝቡ ቃል በገባው መሰረት በሰብአዊ መብት ጥሰት፣ ሀገርን በመዝረፍና የሀገሪቱን መፃኢ ተስፋ ለማጨለም የሚንቀሳቀሱ አካላትን ተከታትሎ ለህግ ለማቅረብ ተግቶ እየሰራ መሆኑን ነው በአጽንኦት ገልጸዋል።

“የኢትዮጵያ ህዝብ በተገኘው አጋጣሚ ሁሉ የፍትህ ጥያቄ ሲያቀርብ ነበር” ያሉት ጠቅላይ ሚኒስትር ዶክተር አብይ፥ መንግስትም የህዝብ ጥያቄ መመለስ ውዴታው ብቻ ሳይሆን ግዴታውም እንደሆነ ገልፀዋል።

ፍትህ የሚረጋገጠውም ንጹሃን በኩራት ቀና ብለው የሚሄዱበትና ወንጀለኞች ደግሞ የትም የማይደበቁበት ስርዓት መፍጠር ስንችል ነው ሲሉም አስታውቀዋል።

“ወንጀልና ካንሰር አንድ ናቸው” ያሉት ዶክተር አብይ፥ ካንሰር ስለራሱ ካልሆነ ስላለበት አካልም ሆነ ማንነቱን ስላአገኘበት የሰውነት ክፍል ፈፅሞ እንደማያስብና ያንን የሰውነት ክፍል ለመኖሪያና ወደ ሌሎች ለመስፋፊያ ብቻ ነው የሚፈልገው በማውሳት ያንን በልምምጥ፣ በልመናና በአማላጅ ማዳን አይቻልም፤ በዝምታ መመልከትም ሞትን በእያንዳንዷ ቀን በዝምታ እንደ መጋበዝ ነው ብለዋል።

የሰውነት ክፍሎቻችን በጥቂት የካንሰር ሴሎች ምክንያት እርስ በእርሳቸው አይጣሉም፣ አይባሉም፣ አይናከሱም፣ አይካሰሱም ያሉት ጠቅላይ ሚኒስትሩ፥ እንዲያውም ካንሰሩን የጋራ ጠላት አድርገው በአንድነት ሊዋጉት ይነሳሉ ብለዋል።

ምክንያቱም ካንሰሩ ከሰውነቱ ክፍል ስሙን እንጂ ሌላውን እንደማይወስዱ ያውቃሉ፤ እዚያ ቦታ መሽጎ ሁሉንም ሊያጠቃ እንደተዘጋጀ ያምናሉ ሲሉ አስረድተዋል።

አሁን የተጀመረው ስራ ሀገር የገደሉ ወንጀለኞችን እነርሱ ለሌላው በነፈጉት ፍትህ ፊት የማቅረብ ስራ ነው ያሉት ጠቅላይ ሚኒስትሩ፥ የተያዙ ሰዎችም በተገቢ ደረጃና አያያዝ የሚገባቸውን ፍትህ እንዲያገኙ ይደረጋልም ብሏል፡፡

በመሆኑም እያንዳንዱ ማህበረሰብ የተሸሸጉትን ወንጀለኞች አጋልጦ ለህግ በማስረከብ ወንጀል የሚያሳፍር መሆኑን እያሳየ መሆኑን ጠቅሰው፥ የህዝቡ ትብብርም እንደሚቀጥል ተስፋቸውን ገልፀዋል፡፡

“የወንጀለኞች መኖሪያ መሆን ያለባቸው ማረሚያ ቤቶች እንጂ ብሄሮች ብሄረሰቦች አይደሉም ያሉት ጠቅላይ ሚኒስትሩ፤ ወንጀለኛ ወገንም ብሄርም፣ ዘርም፣ ሞራልም ስለሌለው ማንም ብሄር የወንጀለኛ መደበቂያ መሆን እንደሌለበትም አሳስበዋል።

Ahmed

Latest News

video image video image video image Read More

Get Connected

logo link youtube logo link twitter logo link facebook

Contact Information