Ethiopian: አየር መንገዳችን ብዝኀነትን ተጠይፎ እስከመቼ?


Ethiopian Airlines በአገራዊ በጀት እየተዳደረም እንኳ ምንም የብዝኀነት ጽንሰ ሐሳብ የማይገባው እና ክቡር ጠቅላይ ሚኒስትራችን ዶ/ር Abiy Ahmed በነካ እጃቸው ሊያስተካክሏቸው ከሚገባቸው መሥሪያ ቤቶች ውስጥ አንዱ እና ዋነኛው ነው። ማስታወቂያዎቹም ሆነ የመልካም በዓል ምኞቶቹ ሁልጊዜም የሰሜኑ ባሕል በሆነው “የሐበሻ ቀሚስ” ብቻ ነው። (ከታች በሁለት ፎቶዎች ተቀናብረው በናሙናነት የተያያዙትን 26 ፎቶዎች ይመልከቱ።)
«የሐበሻ ቀሚስ ለምን ይለበሳል?» አይደለም ተቃውሟችን። “የሐበሻ ቀሚስ” ውብ ከሆኑ ባሕላዊ አለባበሶቻችን አንዱ ነው። ይልቁንም ወቀሳው «ለምን ሌላ የባሕል ልብስ አይለበስም?» ነው። ስለሆነም ለመጠየቅ እንገደዳለን… 

፠ መቼ ነው የኢትዮጵያ አየር መንገድ ሒጃብ በለበሰች ሴት የሚተዋወቀው? 

፠ መቼ ነው የኢትዮጵያ አየር መንገድ የኦሮሚያ የባሕል ልብስ በለበሰች ሴት የሚተዋወቀው? 

፠ መቼ ነው የኢትዮጵያ አየር መንገድ የሶማሌ የባሕል ልብስ በለበሰች ሴት የሚተዋወቀው? 

፠ መቼ ነው የኢትዮጵያ አየር መንገድ የሐረሪ የባሕል ልብስ በለበሰች ሴት የሚተዋወቀው? 

፠ መቼ ነው የኢትዮጵያ አየር መንገድ የጉራጌ የባሕል ልብስ በለበሰች ሴት የሚተዋወቀው? 

፠ መቼ ነው የኢትዮጵያ አየር መንገድ የሲዳማ የባሕል ልብስ በለበሰች ሴት የሚተዋወቀው? 

፠ መቼ ነው የኢትዮጵያ አየር መንገድ የአፋር የባሕል ልብስ በለበሰች ሴት የሚተዋወቀው? 

፠ መቼ ነው የኢትዮጵያ አየር መንገድ የተለያዩ የባሕል አልባሳትን በለበሱ ሴቶች (ወንዶች) የሚተዋወቀው? 

ስለምን ሲባል ትልቅ አገራዊ መሥሪያ ቤት የአንድ ባህል መገለጫን ብቸኛ መለያው ያደርጋል? ነውር አይደለምን? መቼ ነው ድርጅቱ ሙያዊ ስታንዳርዳቸውን እና ሞራላዊ ግዴታቸውን በሚወጡ የኮሚውኒኬሽን ሠራተኞች የሚመራው? መቼ ነው አየር መንገዱ አገሪቱ ብዝኀ—ሃይማኖት፣ ብዝኀ—ብሔር መሆኗን በተረዱ የገጽታ ግንባታ ኃላፊዎች የሚመራው? 
 
ውድ ጠቅላይ ሚኒስትራችን ዶ/ር አብይ አሕመድ… በነካ እጅዎ ይህንን ብልሹ መሥሪያ ቤት ውዲቷ ኢትዮጵያን በሚመጥን መልኩ ያስተካክሉት ዘንድ አደራ እንላለን! ለትውስታ ያክል ያቀረብናቸው 4 ጥያቄዎች የሚከተሉት ናቸው… 
❶ አየር መንገዱ በሐጅ ተጓዦች ላይ የሚያደርሰው የአገልግሎት በደል (የበረራ ፕሮግራም መረጃ ክልከላ፣ በረራ ስረዛ፣ ምግብ እና ማረፊያ ክልከላ፣ ማመናጨቅ እና ማጉላላት) በአስቸኳይ እንዲቆም እንጠይቃለን፤
❷ አየር መንገዱ በሐጅ ትኬት ክፍያ ላይ እጥፍ ዋጋ በመጨመር የሚያንጸባርቀውን ግልጽ መድልዎ በማስወገድ በሌሎች ሃይማኖት ተከታዮች ሃይማኖታዊ ጉዞ ወቅት የሚያደርገውን ታላቅ ቅናሽ እና ልዩ መስተንግዶ እንዲያደርግ እንጠይቃለን፤ 
❸ አየር መንገዱ «ሠላምታ» መጽሔትን በመሣሠሉ የአገር ማስተዋወቂያ የኅትመት ሥራዎቹ ላይ የሚያንጸባርቀውን የሃይማኖት መድልዎ በማቆም ሙስሊሙንም ሌላውንም ኢትዮጵያዊ እምነት፥ ባሕል እና ቅርስ በሚያንጸባርቅ መልኩ እንዲያስተካክል እንጠይቃለን፤
❹ አየር መንገዱ በቅጥር ሥርዓቱ እና በሠራተኛ አሥተዳደር ደንቡ በሙስሊሞች ላይ የሚያንጸባርቀውን ግልጽ ሃይማኖታዊ መድልዎ እንዲያቆም እንጠይቃለን፤
ይህንን ጽሑፍ ሼር በማድረግ እና ሐሽታጎቹን ተጠቅሞ በገጽዎ አስተያየትዎን በማሥፈር የሚዛናዊ እና ሥልጡን ዜጋ ኃላፊነትዎን እንዲወጡ እንጋብዛለን! 
#ShameOnEthiopianAirlines #Hajj2018 #በአየር_መንገዳችን_አፍረናል
ፎቶዎቹ ከኢትዮጵያ አየር መንገድ የፌስቡክ ገጽ የተወሰዱ ናቸው።

Latest News

video image video image video image Read More

Get Connected

logo link youtube logo link twitter logo link facebook

Contact Information